تتمة قصة الخلاف بين عبد الله أبو جاد وطليقته سارة

بعدما شارك عبد الله أبو جاد مع متابعيه على وسائل التواصل الاجتماعي قضية خلافه مع طليقته وأنها تحرمه من مقابلة ابنه، خرجت صديقة الأخيرة يةم أمس عن صمتها لتدافع عن صديقتها قائلة ” من ديما كنقول ليكم كلشي مخطط له .. كلشي شاف سطوريات الاستعطاف والأب الحنون المقهور ولي فالواقع هاد سيد الشمايت” أكثر من 5 أشهر ما سول فالولد ماعرفو واكل ولا مريض أو أنه يحاول يجي للدار لي عارفو باقي فيها من نهار تزاد .. واش واحد مصور بيت نعاسو غايغلبويحط سطوري بلي راه مشا بغا يشوف ولدووسارة مخلاتوش؟ طبعا مايمكنش يحطها حيت بل الكذاب معمرو دارها ومشا يشوفو اصلا.. “.

وأضافت: “ولكن بلاتي واش هاد الحنان وسطورياتو جاو من بعد تأنيب ضمير ولا تحطوا نهار قبل الحكم بالافراغ على ولده وماماه من الدار لي ساكنين فيها باش يكسب تعاطف الناس قبل ميعرفو بخبث خطة طرد الام وولدها من الدار لي هي صلحاتها وفرشاتها بفلوسها وبدون أي تعويض ..علامن عار هاد الأم وولدها؟ فين غيمشيو وفين غيسكنو؟ معرفتش كيف كيدير ينعس فالليل والله حسبي الله ونعم الوكيل ربي يمهل ولا يهمل..”.

ليجيبها عبد الله ب: ” مكيعجبنيش نجاوب ولكن على ود ولدي غنجاوب أنا من ديما و کنسول على ولدي ماشي عاد تفكرتو و الدليل غنحطو فستوري الجاي و كل شهر کنسيفطلو النفقة من المستحيل نخليه بلاش، حشومة تكذبو دخلو بخيط بيض و قولو خاص الولد يشوف باباه باش منين يكبر ميقولوش ليه الناس بلي باباك مكيشوفكش ومخليك وأنا العكس باغي نشوفو من ديما نهار غيكبر غيلومكم حيث كتقولو حاجات مكاينينش أصلا أنا معليش كتبو وقولولي بغيتوا عليا حيت عارف راسي ماداير تا حاجة خايبة و طلاقي ربي لي عالم بأسبابوا ولكن ولدي لا! منسمحش لكم إلا كبرو عيروها بحاجات مادايرهمش أنا راه يقد يمرض”.

ونشر بعدها صور لرسائل sms  كان يبعثها لطليقته لكي يقابل ابنه وهي لا ترد وكتب عليها: ” ماشي عاد تفكرت ولدي، دخلو بخيط بيض الولد خاصو يشوف باه”.

وحول طرده لطليقته وابنه من البيت قال عبد الله: ” حسبي الله ونعم الوكيل مبغيتش نجبد هادشي حيت درت في واجبي كأب ولكن عيقتو أنا ما طلقت تا خديت لطليقتي محل تجاري قيمتو أكثر من 150 مليون وشقة ودخل مضمون والأيام غتبين لكم كلشيو ديك الدار ماشي ديالي وطلقنا إتفاقي ووقعنا على أننا غنخرجو من ديك الدار باراكة من الكذوب عيقتو بزاف متخلیونیش نخرج حاجات ما باغیش نخرجهم”.

لترد عليه صديقة سارة ب: ” 150 مليون وشقة تكسابهم لراسك بعدا باش عاد تعطيهم؟ هادشي كيضر فالقلب والله القسم.. الخيط البيض درناه وعاودنا حتى تقطع وتسالا! ‘ وهادوك الميساجات انت عارف بلي كتصيفطهم فتمرة لي أصلا رآكم مبلوكيين بعضياتكم فيها.. إذن كيفاش بغيتي يوصلوها ميساجاتك؟ هادشي إلا مكنتيش مصيفطهم لراسك”.

وأكملت: “ومبدل السمية وراك ديييييييرها في والأب لي كيبغي يشوف ولدو ولا بنتو مكيصيفطش میساج كيمشي للدار نييييشان وعاد سارة فايت قالت ليك (وكاينين الشهود من غيري) بلي تقدر تجي تشوف ولدك وقت ما بغيتي غير صوني فالدار وخودوحيت هي فالأخير كتهمها مصلحة ولدها قبل هاد المشاكل.. اتقي الله راه الولد غدا ولا ابعدوغايدخل مدرسة ويتعلم يقرا واش مكتفكرش انه يقدريقرا هاد الشوهة و الاحراج لي داير ليه؟؟؟؟؟؟”.

 وختمت ب: “و ماتنساش الأوديو لي كتقول فيه بلي مباغيش تشوف ولدك دابا حتى تخرج “هي” من ديك الدار !!واك واااااك و#انتهى الكلام”.

ودفاعا عن نفسه رد عليها عبد الله ب: ” الا كنت انا كداب الناس راه كيفهمو مكايناش شي مرا کدیر طلاق اتفاقي الا ماكانش الراجل شاريليها وضامن ليها حقوقها ومازال الأيام تكشف الحقيقة راه اصعب خطوة تقدر دیرها المرة هي الطلاق اتفاقيا وانا ما مبلوكيهاش هي لي كانت مبلوکياني وديبلوكاتني دابا 3 اشهر والدليل انها عيطاتلي وتافقنا ملي نبغي ولدي انسيفطليها مساج وتهبطولي المربية ديالو وعندي هاد الاتصال کامل مسجل و الدار لي خرجات منها ماشي داري ألناس وباقي كنتسني نشوف ولدي”.

أما سارة فلم تحرك ساكن واكتفت بنشر صورة تجمعها بصديقتها التي تدفع عنها وعلقت عليها ب: ” شكرا لكل من يدعمني، شكرا صديقتي فدوى على حبك، شكرا لفاميلا على دعيواتكم”.

وتستمر القصة ….