علاج فقر الدم وفقدان الشهية عند الأطفال

Fa9re-Dame1[1]لكل سيدة عنـدها ولدها ماكيكولش وعندو فقر الـدم اليوم جبت ليكم الحل

بغيت نفيدكم بواحد الوصفة زوينة بزاف وكتفتح شهية الاطفال وغير على هادا فهي صحية لوليداتنا واحسن من فاتح شهية ديال صيدلية لاضرارو كتر من منافعو
المهم غادي تجيبي رابعة زبيب ورابعة جنجلان ورابعة اللوز ورابعة كركاع وزبيب يلا كان الاسود يكون أفضل خودي جنجلان نقيه وحمريه وطحنيه وطحني لوز والكركاع وزبيب وديريهم فشي قرعة ديال زاج وكل صباح خودي معلقة كبيرة ديريها في كاس ديال لحليب وعطي لولدك يشرب وغادي تلاحضي بلي شهية غادي تفتاح عندو
وكاينة طريقة اخرا بنسبة لزبيب خودي معلقة ديال زبيب كوبي عليها كاس ديال الماء سخون في ليل قبل متنعسي وصباح عطي لولدك داك الما يشربو ولا طحنيه مع لحليب غبرة وغادي تلاحضي الفرق من الاسبوع الاول وحتا لون ديال لوجه كيولي مورد وفيه دم وهاد الوصفة راها مفيدة بزاف لوليدات لعندهوم فقر دم  والسلام